«Безнең йортыбыз – Җир планетасы»: экологик сәяхәт (18+)

Җир көне — ел саен 22 апрельдә билгеләп үтелүче бәйрәм. Ул әйләнә-тирә мохитне саклауга багышланган һәм бөтен дөнья кешеләрен планетабызга сакчыл мөнәсәбәттә булырга чакыра. 
20 апрель көнне 1 нче санлы китапханә хезмәткәрләре «Изгелек» инвалидларны тернәкләндерү үзәге һәм укучылар белән берлектә «Безнең йортыбыз – Җир планетасы» дигән экологик сәяхәт үткәрде.

Экология, табигатьне саклау мәсьәләләре кешелекне көннән-көн борчуга сала. Җир – безнең бердәнбер Йортыбыз. Ә үз йортыңны сакларга, аны кайгыртырга кирәк. Безне әйләндереп алган табигать матур һәм мәһабәт кенә түгел, ә гаҗәеп нәзберек һәм тиз яраланучан. Шундый сүзләр белән башлады оештыручылар чараны, аннан соң бәйрәмнең килеп чыгу тарихын сөйләде. 
Чара барышында китапханәче катнашучыларны кеше һәм Җирнең үзара мөнәсәбәте, флора һәм фауна, планетабызның су ресурслары турында сөйләүче әдәбият, һәм шулай ук экология мәсьәләләре чагылдырылган китаплар белән таныштырды.